Mədə botoksu piylənmənin müalicəsində uğurla tətbiq olunan endoskopik və qısa müddətli prosedurdur.
Mugantv xarici KİV-ə istinadən xəbər verir ki, mədə botoksu yalnız buna uyğun xəstələrə tətbiq etmək vacibdir.
Ümumi Cərrahiyyə Mütəxəssisi Prof. Dr. Cengiz Erenoğlu mədə botoksu ilə bağlı maraqlı sualları cavablandırıb.
- Mədə botoksu necə üsuldur? Mədə botoksu mədənin müəyyən hissələrinə botulinum toksininin endoskopik yeridilməsi əsasında aparılan müalicədir.
- Prosedur nə qədər çəkir? Əməliyyat müddəti təxminən 20-30 dəqiqədir.
- Mədə botoksu ilə nə qədər çəki itirilir? Botoks müalicəsi ilə bədən çəkisinin orta hesabla 10-20%-i verilə bilər.
- Mədə botoksu kimlərə tətbiq olunur? Bədən kütləsi indeksi 27 və yuxarı olan insanlara tətbiq edilir.
- Mədə botoksunun əks təsiri varmı? Mədə botoksu yan təsirləri az olan endoskopik müalicə üsuludur. Dərin sedasyon altında həyata keçirilən ağrısız bir prosedurdur.