top of page

"YouTube Music" oxunan musiqiləri avtomatik endirəcək


Son dövrlərdə musiqi dinləmə platformalarından istifadə edənlərin sayı xeyli artıb. "Spotify", "YouTube Music", "Apple Music" və "Deezer" kimi platformalar bir-biri ilə rəqabət apararkən yeni funksiyalar təqdim etməyə davam edir. Nəhayət, "YouTube Music" olduqca faydalı ola biləcək bir seçim təklif etməyə başladı.

Trend-in məlumatına görə, "YouTube Music"in yeni seçimi sayəsində oxunan musiqiləri avtomatik olaraq "Android" cihazlarınıza endirə biləcəksiniz. Bu sayədə istifadəçilər daha əvvəl dinlədikləri musiqiləri sonrakı dövrlərdə internetə çıxışı olmasa belə dinləyə biləcəklər.

Ağıllı yükləmə xüsusiyyəti sayəsində 1 GB və ya təxminən 250 musiqi avtomatik olaraq smartfona endiriləcək. Bu funksiyanı aktiv etmək üçün bu addımları yerinə yetirə bilərsiniz:

1) "YouTube Music" tətbiqini açın;

2) Yuxarı sağdakı işarə ilə profil səhifəsinə daxil olun;

3) Parametrlər üzərinə klikləyin;

4) Yükləmələr və yaddaşın üzərinə toxunun;

5) Ağıllı endirmə açarına toxunmaqla aktivləşdirin.

Comentarios


bottom of page