Ermənistan Təhlükəsizlik Şurasının katibi: "Ölkəmiz çox ağır vəziyyətdədir”

“Ermənistan çox ağır vəziyyətdədir, hazırda bizi qorumalı olan təhlükəsizlik mexanizmləri işləmir”.

Mugantv “News.am”a istinadən xəbər verir ki, bunu ölkənin Təhlükəsizlik Şurasının katibi Armen Qriqoryan deyib.

O bildirib ki, İrəvan Qərbə meyilli olmaqda ittiham edilir: “Lakin biz Hindistanla da intensiv əməkdaşlıq edirik”.

A.Qriqoryan söyləyib ki, Rusiya siyasi səviyyədə Ermənistanın təhlükəsizlik problemlərini həll edə bilməyəcəyini bəyan etmir.