top of page

Bakıda avtomobillə qadını vuran sürücü hadisə yerindən qaçıb


Bakıda qadını avtomobillə vurub qaçan sürücü tutulub.


Daxili İşlər Nazirliyinin mətbuat xidmətindən Muğan TV-yə verilən xəbərə görə, iyulun 15-də saat 22 radələrində Nərimanov rayonu ərazisində Bakı şəhər sakini G.Həsənovanın avtomobillə vurulması nəticəsində xəstəxanaya yerləşdirilməsi barədə polisə məlumat daxil olub.


Bakı Şəhər Baş Polis İdarəsi və 16-cı Polis Bölməsi əməkdaşlarının birgə keçirdikləri əməliyyat tədbiri nəticəsində yol-nəqliyyat hadisəsinin “Mercedes” markalı avtomobillə törədilməsi məlum olub və həmin avtomobilin sürücüsü, paytaxt sakini İsmayıl Mirzəyev müəyyən olunaraq saxlanılıb.


Nərimanov Rayon Polis İdarəsində araşdırma aparılır.



Ləman Hafizi


Comments


bottom of page