Azərbaycanda 430 mindən çox insan vaksinasiya olunub


Bakı. Ceyhun Ələkbərov - Trend:


Azərbaycanda bu günə kimi 430 mindən çox şəxs vaksinasiya olunub.


Bu barədə Trend-ə Nazirlər Kabineti yanında Operativ Qərargahdan məlumat verilib.


Qeyd olunub ki, vaksinasiya Respublikanın bütün rayonlarında uğurla davam etdirilir:

"Martın 10-da Azərbaycan Respublikasında yeni koronavirus (COVID-19) infeksiyasına qarşı 11,447 nəfər vaksinasiya olunub.


Hazırkı dövrədək ölkəmizdə koronavirus infeksiyasına qarşı 436,849 nəfər peyvəndlənmə prosesində iştirak edib".