top of page

Avstraliyada ABŞ tankı qəza törədib, xəsarət alanlar var



Avstraliyada ABŞ-ın “Abrams” tankının iştirakı ilə baş verən yol-nəqliyyat hadisəsi nəticəsində 6 nəfər xəsarət alıb.


MuğanTV xəbər verir ki, bu barədə Avstraliyanın ABC telekanalı məlumat yayıb.

Bildirilir ki, üzərində “Abrams” tankının olduğu yarımqoşqu da daxil olmaqla 7 avtomobilin toqquşması nəticəsində xəsarət alanlar xəstəxanaya çatdırılıb.


“Polis hadisə yerinə gələndə 3 avtomobil yanmışdı, digər 4 avtomobilə isə ciddi ziyan dəyib”, - telekanal bildirib.


Avstraliyanın müdafiə naziri Riçard Marlz ABŞ tankının yük maşını ilə Qladston limanından Şouluoter Bey hərbi poliqonuna aparıldığını qeyd edib.

Ekspertlər araşdırma aparır, qəzanın səbəbi hələlik məlum deyil.


Mehriban Mirzəzadə

コメント


bottom of page