Ankarada leysan insan tələfatı ilə nəticələnib





Türkiyənin paytaxtı Ankarada leysan şəhər sakinlərinin həyatını iflic edib.

“Anadolu” agentliyinin verdiyi xəbərə görə, aramsız yağışlar nəticəsində bir nəfər həyatını itirib.


Ankara Böyükşəhər Bələdiyyəsindən verilən məlumata əsasən, leysan səbəbindən şəhərin əksər yerlərində keçidlər su ilə dolub. Bəzi küçə, bulvar və küçələrdə nəqliyyatın hərəkətində fasilələr yaranıb. Ən çox leysan və sel Ankaranın Çankaya rayonuna təsir edib.