top of page

ABŞ gəmisi hücum edən PUA-ları məhv etdi


ABŞ hərbi gəmisi Qırmızı dənizdə ticarət gəmilərinə hücum edən bir neçə PUA-nı məhv edib.


Muğan TV xəbər verir ki, bu barədə ABŞ Silahlı Qüvvələrin Mərkəzi Komandanlığı (CENTCOM) məlumat yayıb.


“Qırmızı dənizin cənubunda beynəlxalq sularda fəaliyyət göstərən üç ayrı ticarət gəmisinə dörd hücum təşkil edilib. Bu üç gəmi 14 ayrı ölkə ilə əlaqəlidir”, - məlumatda qeyd olunub.

Amerikalı məmurlardan biri “Foks Nyus”a açıqlamasında bildirib ki, Bab-əl-Məndəb boğazının şimalında ABŞ-ın “Karni” hərbi gəmisi ona doğru istiqamətlənən 3 PUA-nı vurub.


Onun sözlərinə görə, PUA-lar Yəməndə husilərin nəzarət etdiyi rayonların birindən buraxılıb.


Qeyd edək ki, ötən gün Pentaqon “Karni” və ticarət gəmilərinə hücum barədə məlumat yaymışdı.


Röya Ağayeva

bottom of page